Naxçıvan Muxtar Respublikası Kənd Təsərrüfatı Nazirliyinin Elmi -Texniki Şurasının iclası keçirilib

      Naxçıvan Muxtar Respublikası Kənd Təsərrüfatı Nazirliyinin Elmi -Texniki Şurasının növbəti iclası keçirilib.

     Elmi-Texniki Şuranın iclasında Naxçıvan Dövlət Universitetinin Kənd Təsərrüfatı və Təbiətşünaslıq fakültəsinin Torpaqşünaslıq və aqrokimya ixtisası üzrə təhsil alan tələbələri də iştirak ediblər.

     İclası giriş sözü ilə şuranın sədri, kənd təsərrüfatı naziri Bəhruz Bayramov açaraq iclasa çıxarılan mövzular haqqında məlumat verib.

   İclasda Akademik Həsən Əliyev adına “Araz” Elm  İstehsalat  Birliyinin  Taxıl bitkilərinin seleksiyası, sınağı, mühafizəsi və toxumçuluq şöbəsinin elmi işçisi İlqar İbrahimovun “Taxıl bitkilərinin torpaq-iqlim şəraitinə uyğun tələbatı”,    Aqrokimya,  torpaqşünaslıq və torpaqların kütləvi analizləri şöbəsinin laborantı Qızıllı  Cəfərovanın  “Torpaq  münbitliyi  və  onun  növləri” və Naxçıvan Muxtar Respublikası Süni Mayalanma Mərkəzinin direktoru Yusif Qurbanovun “Naxçıvan Muxtar Respublikasında süni mayalanma işinin heyvandarlığın inkişafına təsiri və tətbiq sahəsinin genişləndirilməsi” mövzularında məruzələri dinlənilib.

     Məruzələrdə optimal müddətə keyfiyyətli toxumlardan istifadə etməklə taxıl əkinlərinin keçirilməsi, gübrə normaları, alaq otlarına qarşı kimyəvi mübarizənin düzgün və vaxtında aparılması, torpaq analizlərinin aparılması qaydaları, süni mayalanma tədbirlərinin aparılmasında bəzi xəstəliklərin qarşısının alınması, ət və süd məhsulları isehsalının artırılmasında alınan nəticələr haqqında geniş məlumatlar verilib.

      Sonda mövzular ətrafıda geniş fikir mübadiləsi aparılıb.

Naxçıvan  Muxtar Respublikası 
Kənd Təsərrüfatı Nazirliyinin mətbuat xidməti