Naxçıvan Dövlət Texniki Kollecinin tələbələri ilə açıq dərs keçirilib

   Naxçıvan Muxtar Respublikası Kənd Təsərrüfatı Nazirliyi tərəfindən hamiliyə götürülmüş Naxçıvan Dövlət Texniki Kollecinin “Aqrar (fermer) təsərrüfatlarının təşkili ” ixtisasının tələbələri ilə açıq dərs keçirilib.

  Dərsin əsas məqsədi tələbələri muxtar respublikada kənd təsərrüfatının inkişafı sahəsində görülən işlər haqqında məlumatlandırmaqdan ibarət olub.

   Dərs zamanı nazirliyin Bitkiçilik məhsullarının istehsalı, toxumçuluq və aqrokimyəvi xidmət şöbəsinin müdiri Xaliq Abbasov aqrar sahədə həyata keçirilən tədbirlər və qəbul edilən Dövlət Proqramlarının əhəmiyyəti, Texniki nəzarət və aqroservis sektorunun aparıcı məsləhətçisi Vüsal Mirzəyev kənd təsərrüfatı texnikalarından səmərəli istifadə olunması mövzularında tələbələrə ətraflı məlumat veriblər.

      Sonda tələbələri maraqlandıran suallar mütəxəssislər tərəfindən ətraflı cavablandırılıb.

Naxçıvan  Muxtar Respublikası 
Kənd Təsərrüfatı Nazirliyinin mətbuat xidməti