Naxçıvan Muxtar Respublikası Kənd Təsərrüfatı və  Gənclər və İdman Nazirliklərinin  birgə təşəbbüsü  ilə “Aqrar könüllülər” proqramına start verilib

Bu məqsədlə Biznes Mərkəzində keçirilən  tədbirdə  Naxçıvan Muxtar Respublikası kənd təsərrüfatı naziri vəzifələrini müvəqqəti icra edən, nazir müavini Xəyalə Dadaşovanın, gənclər və idman naziri vəzifələrini müvəqqəti icra edən, nazir müavini Məcid Seyidovun və digərlərinin çıxışları dinlənilib.

Tədbirdə kənd təsərrüfatı nazirliyinin fəaliyyətindən bəhs edən videomateriala baxış olub, könüllülərin sualları cavablandırılıb.

Qeyd edək ki, proqram çərçivəsində könüllülər aqrar sahəyə dair təcrübələr qazanacaq, xüsusilə sorğuların keçirilməsi, fermerlərlə ünsiyyətin qurulması ilə bağlı vərdişlərə, kənd təsərrüfatı texnologiyalarına dair zəruri biliklərə yiyələnəcəklər. Onlar, eyni zamanda, Kənd Təsərrüfatı Nazirliyi tərəfindən keçiriləcək tədbirlərdə, o cümlədən təbliğat, təşviqat və maarifləndirmə işlərində yaxından iştirak edəcəklər.