Heyvan xəstəliklərinə qarşı profilaktik peyvəndləmə aparılır, fermerlər maarifləndirilir

Naxçıvan Aqrar Xidmətlər Mərkəzi tərəfindən Şərur rayonunun Zeyvə kəndində “Heyvanlar arasında nodluyar dermatit xəstəliyinə qarşı mübarizə tədbirləri” mövzusunda maarifləndirici tədbir keçirilib.

Tədbir çərçivəsində iribuynuzlu heyvanlarda nodluyar dermatit xəstəliyinə qarşı profilaktik peyvəndləmə aparılıb, fermerlərə peyvəndləmənin əhəmiyyəti barədə məlumat verilib. Heyvandarlıqla bağlı müvafiq tövsiyələr də fermerlərin diqqətinə çatdırılıb. 

Qeyd edək ki, Naxçıvan Aqrar Xidmətlər Mərkəzi tərəfindən il ərzində müxtəlif mövzularda maarifləndirici tədbirlərin keçirilməsi davam etdiriləcək.