Naxçıvan Dövlət Universitetinin tələbələri “Araz” Elm İstehsalat Birliyində istehsalat təcrübəsinə başlayıblar

   Naxçıvan Dövlət Universitetinin  “Kənd Təsərrüfatı və Təbiətşünaslıq”  fakültəsinin “Torpaqşünaslıq və Aqrokimya” ixtisası üzrə təhsil alan IV kurs tələbələri  Akademik  H.Əliyev adına “Araz” Elm İstehsalat Birliyinin  Aqrokimya, torpaqşünaslıq və torpaqların kütləvi analizləri laboratoriyasında istehsalat  təcrübəsinə  başlayıblar.  

    Təcrübənin ilk günü tələbələrə laboratoriyada olan müasir tipli cihazlar haqqında ətraflı məlumat verilib. Onlara torpaq analizlərinin aparılması zamanı texniki təhlükəsizlik qaydaları və reaktivlərdən düzgün istifadə olunması  laboratoriyanın mütəxəssisləri tərəfindən ətraflı izah edilib.

     Daha sonra  tələbələr torpaq mülkiyyətçilərinin  təqdim etdiyi torpaq nümunələrində  torpaq məhlulunun reaksiyası, elektrik keçiriciliyi, mexaniki tərkibi, humusun, azotun, fosforun və kaliumun təyini analizlərinin aparılmasında iştirak ediblər.

     İstehsalat təcrübəsi may ayının sonunadək davam edəcək.

Naxçıvan  Muxtar Respublikası
Kənd Təsərrüfatı Nazirliyinin mətbuat xidməti