2023-cü ilin yekunlarına, o cümlədən Dünya Azərbaycanlılarının Həmrəyliyi Günü və Yeni İl bayramına həsr edilən tədbir keçirilib

Tədbirdə Naxçıvan Muxtar Respublikası kənd təsərrüfatı naziri vəzifələrini müvəqqəti icra edən, nazir müavini Xəyalə Dadaşova ilin yekunlarını təhlil edib, “Heydər Əliyev İli” və Prezident İlham Əliyevin hakimiyyətə gəlməsinin 20 illiyi münasibətilə nazirlik tərəfindən keçirilən tədbirləri diqqətə çatdırıb.

Nazir müavini Dünya Azərbaycanlılarının Həmrəyliyi Günü və Yeni İl bayramı münasibətilə kollektivi təbrik edib və gələcək fəaliyyətlərində uğurlar arzulayıb, təqaüdə çıxan nazirliyin şöbə müdiri Əyyub Abdullayevə hədiyyə təqdim edilib.

Tədbirin sonunda Ulu Öndərin 100 illiyinə həsr olunan “Şərəfli ömür yolu” adlı videomateriala baxış olub.