Fövqəladə Hallar Nazirliyinin əməkdaşlarının iştirakı ilə maarifləndirmə tədbiri keçirilib

Naxçıvan Muxtar Respublikası Kənd Təsərrüfatı Nazirliyində Fövqəladə Hallar Nazirliyinin əməkdaşlarının iştirakı ilə maarifləndirmə tədbiri keçirilib.

Tədbirdə fövqəladə halların təsnifatı, muxtar respublika üçün xarakterik olan fövqəladə hallar, o cümlədən yanğınların baş vermə səbəbləri və bu zaman zəruri davranış qaydaları, dəm qazı təhlükəsi barədə ətraflı məlumat verilib, FHN-in “112” qaynar telefon xəttinin təyinatı izah olunub.