Ordubad rayonunun Dəstə kəndində tut bağı salınıb

“Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”nın icrasına uyğun olaraq baramaçılığın və ipəkçiliyinin inkişafı məqsədilə Ordubad rayonunun Dəstə kəndində yeni tut bağ salınıb.

Bağın salınmasında Azərbaycan Respublikası və Naxçıvan Muxtar Respublikası Kənd Təsərrüfatı Nazirliklərinin, Ordubad Rayon İcra Hakimiyyətinin, o cümlədən digər qurumların əməkdaşları, Naxçıvan Dövlət Universitetinin, həmçinin Naxçıvan Dövlət Texniki Kollecinin müəllim və tələbə kollektivi, rayon sakinləri iştirak ediblər.

Qeyd edək ki, bu gün  muxtar respublikanın digər rayonları da daxil olmaqla Ulu Öndər Heydər Əliyevin 100 illiyinə həsr olunan, ümumilikdə, 20 min  tut tingi əkilib.