Naxçıvanda 2018-ci ildə fəaliyyət göstərən arıçılara subsidiyalar verilir

Artıq Şərur rayonun 25 kəndinin, o cümlədən Kəngərli və Sədərək rayonlarının arıçılarına subsidiyaların ödənilməsi təmin edilib.

Naxçıvan şəhəri, Babək, Ordubad, Culfa və Şahbuz rayonlarının, eləcə də Şərur rayonunun digər kəndlərinin arıçıları da yaxın günlərdə subsidiyalarını əldə edəcəklər.

Qeyd edək ki, Azərbaycan Respublikası Prezidentinin tapşırığına əsasən ölkəmizdə arıçılara subsidiya verilməsinə 2018-ci ildən başlanılıb.

Muxtar respublikada arıçılıqla məşğul olan fermerlərə saxladıqları hər arı ailəsinə görə subsidiyaların verilməsi əvvəllər Dövlət Baytarlıq Xidməti tərəfindən həyata keçirilib. Sənədləşmə məsələlərinin gecikməsinə görə istehsalçılara 2019-cu ildən subsidiya verilməsinə başlanılsa da, 2018-ci il üzrə subsidiyanın verilməsi təmin edilməyib.

Naxçıvan Muxtar Respublikası Dövlət Baytarlıq Xidməti ləğv olunduğu üçün arı ailələrinə  görə subsidiyaların verilməsi istiqamətində işlər Naxçıvan Muxtar Respublikası Kənd Təsərrüfatı Nazirliyi tərəfindən aparılıb.