Culfa Regional Dövlət Aqrar İnkişaf Mərkəzi tərəfindən Ordubad rayonunun Vənənd kəndində müşavirə keçirilib

Müşavirədə payızlıq əkinlərin gedişindən, yüksək məhsuldarlıq əldə edilməsi üçün aparılmalı olan aqro-texniki tədbirlərdən, o cümlədən qədim ənənəvi məşğuliyyət növü olan baramaçılıqdan danışılıb.

Qeyd olunub ki, taxıl istehsalının artırılmasında payızlıq dənli bitkilərin səpininin bölgələr üçün müəyyən edilmiş optimal müddətlərdə başa çatdırılması mühüm əhəmiyyət kəsb edir. Vaxtında və düzgün aparılan aqrotexniki tədbir, torpağın düzgün hazırlanması, alaqlara qarşı mübarizə tədbirləri, eyni zamanda üzvi və mineral gübrələrdən düzgün istifadə olunması mühüm şərtlərdəndir.

Bildirilib ki, mövcud torpaq və su ehtiyatları fonunda taxılçılıqda orta məhsuldarlığın artırılması yerli şəraitə uyğun toxum seçimindən də asılıdır.

Müşavirədə baramaçılığın yenidən dirçəldilməsi və inkişaf etdirilməsinin əhəmiyyəti qeyd edilib.

Suallar cavablandırılıb, müvafiq məsləhətlər verilib.