Namiq Əhmədov: "Naxçıvan Aqrar İstehsalat, Tədarük və Təchizat" ASC Naxçıvanda kənd təsərrüfatı məhsullarının istehsal potensialının artırılmasına öz töhfəsini verməkdədir"

Namiq Əhmədov: “Naxçıvan Aqrar İstehsalat, Tədarük və Təchizat" Açıq Səhmdar Cəmiyyəti Naxçıvanda kənd təsərrüfatı məhsullarının istehsal potensialının artırılmasına, fermer və kənd təsərrüfatı məhsullarının istehsalı ilə məşğul olan sahibkarların fəaliyyətinin stimullaşdırılmasına, dövlət büdcəsindən maliyyələşən idarə, müəssisə və təşkilatların ərzaq məhsulları ilə təchizatına  öz töhfəsini verməkdədir. Gələcəkdə cəmiyyətin fəaliyyət istiqamətləri daha da genişləndiriləcək, yeni iş yerlərinin açılması, o cümlədən  məhsul istehsalının artırılması məqsədilə yerli bazarın tələbatı nəzərə alınaraq yeni kənd təsərrüfatı məhsulları istehsal ediləcəkdir”.

Naxçıvan Muxtar Respublikası Ali Məclisi Sədrinin 10 iyul 2023-cü il tarixli "Naxçıvan Muxtar Respublikasında aqrar sahədə idarəetmənin təkmilləşdirilməsi ilə bağlı tədbirlər haqqında" Fərmanına əsasən Naxçıvan Muxtar Respublikası Kənd Təsərrüfatı Nazirliyinin tabeliyində “Naxçıvan Aqrar İstehsalat, Tədarük və Təchizat" Açıq Səhmdar Cəmiyyəti yaradılıb. Qurumun ötən dövrdəki fəaliyyəti ilə bağlı cəmiyyətin şöbə müdiri, İdarə heyətinin sədri vəzifəsini müvəqqəti icra edən Namiq Əhmədovun müsahibəsini təqdim edirik:- Naxçıvan Muxtar Respublikası Kənd Təsərrüfatı Nazirliyinin 17 avqust 2023-cü il tarixli əmrləri ilə “Naxçıvan Aqrar İstehsalat, Tədarük və Təchizat" Açıq Səhmdar Cəmiyyətinin Nizamnaməsi və 50 nəfərdən ibarət strukturu təsdiq edilib, cəmiyyət 21 avqustdan fəaliyyətə başlayıb.

Cəmiyyət Naxçıvan Muxtar Respublikası Ali Məclisi sədrinin 30 aprel 2016-cı il tarixli Fərmanı ilə təsdiq edilmiş "Dövlət müəssisə və təşkilatları tərəfindən ərzaq məhsullarının mərkəzləşdirilmiş qaydada dövlət büdcəsinin vəsaitləri hesabına satın alınması Qaydası"na uyğun olaraq muxtar respublikanın 9 mərkəzi və yerli icra hakimiyyəti orqanının 44 qapalı və sosialyönümlü dövlət müəssisəsini fasiləsiz olaraq ərzaq məhsuları ilə təchiz edir.

Namiq Əhmədov qeyd edib ki, ötən dövrdə  kənd təsərrüfatı məhsulları istehsalçılarına məhsullarının satışının həyata keçirilməsində də müvafiq köməklik göstərillib. Belə ki, "Araz Supermarket" və "Oba Supermarket" Məhdud Məsuliyyətli Cəmiyyətləri ilə müqavilələr bağlanıb, 3 Şərur rayon sakinindən,  ümumilikdə, 75 ton kartof alınaraq Bakı şəhərinə göndərilməsi təmin edilib. Hazırda da bu istiqamətdə işlər davam etdirilir. Bununla yanaşı, kənd təsərrüfatı məhsulları istehsalçılarının, o cümlədən ailə təsərrüfatlarının fəaliyyətinin stimullaşdırılması məqsədilə cəmiyyətin istehsalat bölməsinə kompot, cem və meyvə qurusu istehsalı üçün  7400 kq məhsul alınıb. Əlavə olaraq kənd təsərrüfatı məhsullarının istehsalçılarından ümumilikdə 53,4 ton tərəvəz və meyvə məhsulu alınaraq qapalı və sosialyönümlü dövlət müəssisələrinin təchizatına yönəldilib. "Naxçıvan Duz Istehsalı" Məhdud Məsuliyyətli Cəmiyyəti ilə bağlanmış müqavilǝyǝ əsasən cəmiyyətdə istehsal olunan duz məhsullarının muxtar respublika ərazisində fəaliyyət göstərən ticarət obyektləri və istehsal müəssisələrinə  topdansatışı həyata keçirilir.

Taxıl is