Füzulidə qəzada həlak olan polis serjantı Ələsgər Əsgərov Naxçıvanda dəfn edilib 

Sentyabrın 20-də Füzulidə avtomobil qəzasında həlak olmuş Azərbaycan Respublikası Daxili İşlər Nazirliyinin polis serjantı Ələsgər Zakir oğlu Əsgərov yaylım atəşi və Dövlət Himninin sədaları altında Naxçıvan şəhərinin Əliabad qəbiristanlığında torpağa tapşırılıb.

Dəfn mərasimində dövlət və hökumət nümayəndələri, mərhumun ailə üzvləri və yaxınları iştirak ediblər.

Dəfndə şəhidlərin ruhuna dualar oxunub, mərhumun qəbri üzərinə tər güllər düzülüb.