Naxçıvan Kənd Təsərrüfatı Laboratoriyaları Mərkəzinin direktoru Hüseyn İmanovun həmmüəllif olduğu məqalə “Təbiət və elm” adlı beynəlxalq elmi jurnalda dərc olunub.

Müəllifləri Naxçıvan Dövlət Universitetinin əməkdaşı Mahnur Cəfərli və Hüseyn İmanov olan məqalədə məlumat verilir ki, bu araşdırmada  infraqırmızı (İQ) spektral məlumatlara əsaslanaraq ionların makroməsaməli amino-fosfonik funksional (-CH2-NH-CH2-PO (ONa)2) qruplu Duolite C 467 və  karboksil funksional quruplu Amberlite İRP 64 (-COOH) ionitləri ilə sorbsiya mexanizm öyrənilmişdir. Sorbentlərin strukturları, onların ionlarla qarşılıqlı təsirindən sonra funksional qruplarında yaranan dəyişikliklər haqqında fikir yürüdülmüşdür. Cu2+ və Pb2+ ionlarının Duolite C 467 və Amberlite İRP 64 ilə qarşılıqlı təsiri zamanı onların funksional qruplarının tezliklərinin sürüşməsi baş verir.