Naxçıvan Muxtar Respublikası Kənd Təsərrüfatı Nazirliyinin, o cümlədən nazirliyin tabeli qurumlarının fəaliyyəti müzakirə olunub

Bununla bağlı Naxçıvan Muxtar Respublikası Kənd Təsərrüfatı Nazirliyində Regional Dövlət Aqrar İnkişaf Mərkəzləri, “Naxçıvan Aqrar Xidmətlər Mərkəzi”, Akademik Həsən Əliyev adına Naxçıvan Kənd Təsərrüfatı Elmi-Tədqiqat İnstitutunun və “Naxçıvan Kənd Təsərrüfatı Laboratoriyaları Mərkəzi”nin əməkdaşlarının iştirakı ilə iclaslar keçirilib.

İclaslarda Naxçıvan Muxtar Respublikası kənd təsərrüfatı naziri vəzifəsini müvəqqəti icra edən, nazir müavini Xəyalə Dadaşova nazirliyin, eləcə də tabeli qurumların fəaliyyətini təhlil edib, müvafiq tapşırıqlar verib.

Nazir müavini kargüzarlıq, əmək intizamı, kadrların peşəkarlıq səviyyələrinin artırılması məsələlərindən geniş bəhs edib, verilən tapşırıqların vaxtında və düzgün yerinə yetirilməsinin vacibliyini qeyd edib. Fəaliyyəti qənaətbəxş olmayan əməkdaşlara işlərində təcili dönüş yaratmaları barədə  göstəriş verilib.