Şərur Regional Dövlət Aqrar İnkişaf Mərkəzinin direktoru vəzifəsinə təyin olunan Həbib İbrahimov Kəngərli və Sədərək rayonlarının ictimaiyyətinə təqdim edilib

Bu münasibətlə keçirilən tədbirlərdə Kəngərli Rayon İcra Hakimiyyətinin başçısı Kamal Ələkbərov və Sədərək Rayon İcra Hakimiyyəti başçısının müavini Əli Zeynalzadə rayonlarda aqrar səhənin mövcud vəziyyəti barədə məlumat verib, yeni fəaliyyətə başlayan regional dövlət aqrar inkişaf mərkəzlərinin əhəmiyyətini qeyd ediblər.

Naxçıvan Muxtar Respublikası Kənd Təsərrüfatı Nazirliyinin Aparat rəhbəri Vüsal İbrahimov 2023-cü ilin ötən dövründə Kənd Təsərrüfatı Nazirliyində aparılan struktur islahatları, vahid idarəçilik altında formalaşdırılan yeni təşkilatlar, o cümlədən Şərur Regional Dövlət Aqrar İnkişaf Mərkəzinin fəaliyyət istiqamətləri barədə danışıb.

Sonra Şərur Regional Dövlət Aqrar İnkişaf Mərkəzinin direktoru vəzifəsinə təyin olunan Həbib İbrahimov rayonların ictimaiyyətinə  təqdim olunub.

Həbib İbrahimov göstərilən etimada görə minnətdarlığını bildirib, qarşıya qoyulan vəzifələr barədə məlumat verib.