Naxçıvan Muxtar Respublikasında əhalinin ərzaq məhsulları ilə təminatının yaxşılaşdırılması, o cümlədən çeşidini genişləndirməklə seçmək və əlverişli qiymətə almaq və satmaq imkanının yaradılması məqsədilə, həftənin şənbə və bazar günləri kənd təsərrüfatı məhsullarının satış yarmarkası təşkil olunmuşdur. Mövsümlə əlaqədar olaraq satış və alıcılıq qabiliyyətinin artdığı nəzərə alınaraq satış yarmarkalarına diqqət artırılmış və yarmarkanın əhatə dairəsi genişləndirilmişdir. Satış yarmarkası Naxçıvan şəhəri, Şah İsmayıl Xətai küçəsi 1 ünvanında, Mərkəzi Bazarda yerləşir.
Yarmarka fermerlərin öz məhsullarını bazara çıxarmasına kömək etməklə yanaşı, bazarlarda süni qiymət artımının qarşısının alınmasına, fermerlərlə emal müəssisələri və alıcılar arasında əlaqə yaradılmasına şərait yaratmaqla, istehsalçıların məhsullarını qısa zamanda və bazar qiymətlərindən ucuz satılmasına təkan verir.
Qeyd olunanları, o cümlədən yollarda yaranacaq sıxlığı nəzərə alaraq, sürücülərə həmin ərazidə alternativ yollardan istifadə edilməsi, yarmarkaya məhsul gətirənlərə isə satış yerlərində sanitariya qaydalarına əməl olunması tövsiyə olunur.
Ünvan: Naxçıvan şəhəri, Xətai məhəlləsi, Naxçıvan Muxtar Respublikası Kənd Təsərrüfatı Nazirliyi.