Heyvanların kəsimi zamanı baytarlıq, sanitar və gigiyenik qaydalara əməl olunması vacibdir!

Hörmətli vətəndaşlar,

Qarşıdan gələn Qurban bayramı münasibəti ilə Sizləri təbrik edir, süfrələrinizin daim ruzili və bərəkətli olmasını diləyirik.

Bununla yanaşı, Qurban bayramı ərəfəsində heyvan kəsiminin sayının artdığını nəzərə alaraq, kəsim zamanı sağlam heyvanların kəsilməsini, sanitar-gigiyenik qaydalara riayət edilməsini, kəsim yerlərinin təmiz saxlanılmasını, kəsimi həyata keçirən şəxslərin xüsusi geyimlərlə (xalat, əlcək və s.) təmin edilməsini, kəsim nəticəsində əldə olunan tullantıların rayon (şəhər) icra hakimiyyəti orqanları tərəfindən uyğun görülən kənar yerlərdə zərərsizləşdirilməsini və digər qaydalara əməl olunmasını tövsiyə edirik.

Nəzərə alın ki, kəsim zamanı baytarlıq tələblərinin gözlənilməməsi, o cümlədən sanitar-gigiyenik qaydalara əməl olunmaması insan sağlamlığına mənfi təsir etməklə yanaşı, ətarf mühiti də çirkləndirir.