“Araz” Elm İstehsalat Birliyinin təcrübə sahələrinə baxış keçirilib

Naxçıvan Muxtar Respublikasının kənd təsərrüfatı naziri vəzifəsini müvəqqəti icra edən, nazir müavini Xəyalə Dadaşova və Nazirliyin digər məsul şəxsləri  “Araz” Elm İstehsalat Birliyinin Şərur dayaq məntəqəsində olub. Dayaq məntəqəsində Rusiya Federasiyasından gətirilərək təcrübə üçün əkilmiş 2.8 hektar taxıl sahəsinə (“Qomer” buğda sortu), ərik, alma, şaftalı və s. meyvə ağaclarından ibarət 2,8 hektar kolleksiya bağına və dekorativ ağaclara,  o cümlədən 1 hektar qarğıdalı sahəsinə və 0,1 hektar qızılgül bağına baxış keçirilib.

X.Dadaşova məntəqədə mövcud vəziyyətlə tanış olub, aborigen sortların əldə olunması istiqamətində işlərin davam etdirilməsi və muxtar respublikanın torpaq-iqlim şəraitinə uyğunlaşan məhsuldar yeni sortların da sınaq əkinlərinin keçirilməsi istiqamətində tapşırıqlar verib.