Heyvandarlıqda mövcud vəziyyətin araşdırılması istiqamətində işlər davam etdirilir

Muxtar respublikada epizootik vəziyyətin araşdırılması istiqamətində işlər davam etdirilir. Belə ki, bugünədək epizootik monitorinqlərə cəlb olunmuş mütəxəssislər tərəfindən mövcud vəziyyətin öyrənilməsi istqamətində 82 kənddə monitorinqlər aparılıb. Monitorinqlər zamanı mütəxəssislər tərəfindən təsərrüfatlarda olan mal-qaranın, ev quşlarının və arı ailələrinin sayı müəyyənləşdirilir,  o cümlədən sahibsiz itlərdə quduzluğa qarşı mübarizə tədbirlərinin aparılma vəziyyəti öyrənilir.

Həmçinin yun qırxımının mütəşəkkil həyata keçirilməsi, mal-qaranın yaylaqlara aparılması zamanı görüləcək tədbirlər və arı ailələrinin köçrülməsinin məhsuldarlığa təsiri barədə təsərrüfat sahibləri ilə maarifləndirici söhbətlər aparılır.