Naxçıvan Muxtar Respublikası Kənd Təsərrüfatı Nazirliyində muxtar respublikanın fitosanitar və epizootik vəziyyətinin müəyyənləşdirilməsi məqsədilə yaradılan monitoriq qrupları Naxçıvan şəhəri və muxtar respublikanın rayonlarında monitorinqləri davam etdirirlər.
Fitosanitar monitoriqlər zamanı əkinlərin dəqiqləşdirilməsi, o cümlədən meyvə bağlarında və həyətyanı sahələrdə, yaşıllıq zolaqlarında xəstəlik və zərərvericilərin müəyənləşdirilməsi məqsədilə müşahidələr aparılır. Müşahidələr zamanı aşkar olunan xəstəlik və zərərvericilərə qarşı mübarizə tədbirlərinin aparılması üçün lazım olan dərman preparatları və onlardan istifadə qaydaları haqqında təsərrüfat sahiblərinə ətraflı məlumat verilir.
Eyni zamanda təsərrüfatlarda mal-qaranın, ev quşlarının və arı ailələrinin sayı müəyyənləşdirilir, heyvandarlıqda epzootik vəziyyət, heyvanların yem tələbatı və saxlanma şəraiti, o cümlədən sahibsiz itlərdə quduzluğa qarşı mübarizə tədbirlərinin aparılma vəziyyəti öyrənilir.
Ünvan: Naxçıvan şəhəri, Xətai məhəlləsi, Naxçıvan Muxtar Respublikası Kənd Təsərrüfatı Nazirliyi.