Naxçıvan Muxtar Respublikasında Xarıbülbül bitkisinin sınaq əkinlərinə başlanılıb

Ulu Öndər Heydər Əliyevin 100 illiyi ərəfəsində Naxçıvan Muxtar Respublikasının Kənd Təsərrüfatı Nazirliyi tərəfindən muxtar respublikanın florasını zənginləşdirmək məqsədilə gətirilən Xarıbülbül bitkisinin Akademik Həsən Əliyev adına “Araz” Elm İstehsalat Birliyində, Naxçıvan Bioresurslar İnstitutunda,  Culfa rayonunun uyğun bölgələrində, Ekologiya və Təbii Sərvətlər Nazirliyi ilə birgə Batabat yaylağında elmi-tədiqat işləri aparılmasına başlanılıb. Belə ki, sözügedən bitki laboratoriya və sahə təcrübələrinə cəlb olunub.

Sınağa cəlb olunan bitkilər elmi işçilər tərəfindən mütəmadi olaraq müşahidə altında saxlanılacaq, qeydlər aparılacaq və digər tədbirlər görüləcəkdir.