Naxçıvan Muxtar Respublikası kənd təsərrüfatı nazirinin müavini vətəndaşları qəbul edib

29 aprel 2023-cü il tarixdə Naxçıvan Muxtar Respublikası kənd təsərrüfatı nazirinin müavini Xəyalə Dadaşova muxtar respublikanın rayonlarından olan vətəndaşları qəbul edib.

Qəbula gələn vətəndaşların müraciəti əsasən yaz əkinlərinə subsidiyaların ödənişi, əlavə gübrələrə olan təlabatın təmin edilməsi, örüş-otlaq sahələrinin bölgüsü və suvarma suyuna olan tələbatın ödənilməsi, o cümlədən işlə təmin olunma və digər məsələlərlə bağlı olub.

Qəbulda məsələlərin hərtərəfli öyrənilməsi və qanunvericiliyin tələblərinə uyğun qısa müddətdə həll edilməsi üçün müvafiq tapşırıqlar verilib. Vətəndaşların müraciətlərinin bir qismi görüş zamanı həllini tapıb. Suvarma suyu ilə bağlı məsələlərin yerində həll edilməsi məqsədilə Naxçıvan Muxtar Respublikası Meliorasiya və Su Təsərrüfatı Açıq Səhmdar Cəmiyyətinin məsul şəxsi tədbirə dəvət olunub. Nazirliyin fəaliyyət dairəsinə aid olmayan müraciətlər köməklik göstərilməsi üçün aidiyyətı üzrə yönləndirilib.