Təsərrüfat sahiblərinin iştirakı ilə müşavirə keçirilib

Naxçıvan Muxtar Respublikası Kənd Təsərrüfatı Nazirliyinin mütəxəssisləri  Şərur Rayon İcra Hakimiyyətinin əməkdaşları ilə birlikdə rayonun Danyeri kəndində heyvandarlıqla məşğul olan sahibkarların iştirakı ilə “Mal-qaranın cins tərkibinin yaxşılaşdırılması, zoobaytar qaydalarına uyğun qulluq edilməsi və  otlaqlardan səmərəli istifadə olunması” mövzusunda  müşavirə keçiriblər.

Müşavirədə Şərur Rayon İcra Hakimiyyətinin əməkdaşı Osman Cəlil rayonda heyvandarlığın inkişafı və bu sahəyə göstərilən dövlət dəstəyindən danışıb.

Nazirliyin şöbə müdiri Əyyub Abdullayev mal-qaranın cins tərkibinin yaxşılaşdırılmasında süni mayalanmanın əhəmiyyəti və heyvanlara zoobaytar qaydalarına uyğun qulluq edilməsi mövzusunda çıxış edib.

Nazirliyin əməkdaşları tərəfindən təsərrüfat sahiblərinə döl kampaniyasının mütəşəkkil keçirilməsi, yeni doğulan heyvanların saxlanması və düzgün yemləndirilməsi haqqında tövsiyələr verilib, otlaqlardan səmərəli istifadə edilməsi və torpaqların erroziyasının qarşısının alınması haqqında ətraflı söhbət aparılıb.

Sonda təsərrüfat sahiblərini maraqlandıran suallar cavablandırılıb

Daha sonra kənd sakini Nazim Novruzovun təsərrüfatına baxış keçirilib. Yaşlı heyvanların cavan heyvanlarla əvəz olunması və saxlanma şəraitinin yaxşılaşdırılması təsərrüfat sahibinə tövsiyyə olunub.