Xəyalə Dadaşova Babək rayonunda təsərrüfat sahibləri ilə görüşüb

17 mart 2023-cü il tarixdə Naxçıvan Muxtar Respublikası kənd təsərrüfatı nazirinin müavini, kənd təsərrüfatı nazirinin səlahiyyətlərini müvəqqəti icra edən Xəyalə Dadaşova Babək Rayon İcra Hakimiyyətinin başçısı Rasim Hüseynovun iştirakı ilə rayonda təsərrüfat sahibləri ilə görüşüb.

Görüşdə  Xəyalə Dadaşova Azərbaycan Respublikasının Prezidenti cənab İlham Əliyevin aqrar sahəyə göstərdiyi diqqət və qayğıdan, bu sahənin inkişafı istiqamətində qəbul edilmiş qərarlardan və verilən subsidiyaların əhəmiyyətindən danışıb. Muxtar respublikada kənd təsərrüfatının inkişafı istiqamətində görüləcək tədbirlər barədə təsərrüfat sahiblərinə məlumat verib.

Görüş zamanı kənd təsərrüfatının bütün sahələrində mövcud olan problemlər və digər məsələlərlə bağlı vətəndaşların müraciətləri dinlənilib. Qaldırılan məsələlərin bir qismi yerindəcə həllini tapıb, digərlərinin isə araşdırılaraq zəruri tədbirlərin görülməsi barədə Nazirliyin məsul işçilərinə müvafiq tapşırıqlar verilib.

Görüşdə Babək rayonundan olan 22 təsərrüfatçının  müraciəti dinlənilib