Süni Mayalanma Mərkəzinə baxış keçirilib

Naxçıvan Muxtar Respublikası  kənd təsərrüfatı nazirinin müavini Xəyalə Dadaşova Naxçıvan Muxtar Respublikası Süni Mayalanma Mərkəzində olub. Mərkəzdə quraşdırılmış avadanlıqlar haqqında Xəyalə Dadaşovaya məlumat verilib. Bildirilib ki, 2 hektar ərazidə inzibati bina, yataqxana, karantin binaları, baytarlıq klinikası, toxum alma sahəsi, tövlə, yem anbarları, texnika parkı və digər xidməti binalar inşa olunmuşdur. İnzibati binada yeməkxana və iş otaqları, elektron lövhə ilə təmin edilmiş təlim-tədris mərkəzi və arxiv, karantin binasında baytar otağı, anbar və törədicilərin saxlanma yeri, baytarlıq klinikasında heyvan saxlama yeri və müayinə otağı vardır. Toxum alma sahəsində müasir tələblərə cavab verən laboratoriya yaradılıb. Bu sahədə yüksək potensialı kadrların hazırlanması üçün Naxçıvan Dövlət Universitetinin və Naxçıvan Dövlət Texniki Kollecinin müvafiq ixtisaslarının tələbələrinə Mərkəzdə praktiki olaraq istehsalat təcrübə dərsləri keçirilir.

Nazir müavini Mərkəzin iş fəaliyyəti ilə tanış olub.