Dövlət Baytarlıq Xidmətində görüş keçirilib

Naxçıvan Muxtar Respublikası  kənd təsərrüfatı nazirinin müavini, kənd təsərrüfatı nazirinin səlahiyyətlərini müvəqqəti icra edən Xəyalə Dadaşova Naxçıvan Muxtar Respublikası Dövlət Baytarlıq Xidmətində olub, Xidmətin əməkdaşları ilə görüş keçirib.

Naxçıvan Muxtar Respublikası Dövlət Baytarlıq Xidmətinin rəisi Vəli Novruzov  Xidmətin maddi-texniki bazası barədə geniş məlumat verib, muxtar respublikada  epizootik sabitliyin qorunub saxlanılmasında görülmüş işlərdən danışıb.

Görüş zamanı Xəyalə Dadaşova Dövlət Baytarlıq Xidmətinin laboratoriyaları və Naxçıvan Dövlət Universitetinin, Naxçıvan Texniki Kollecinin Baytarlıq təbabəti ixtisası üzrə təhsil alan tələbələrə praktiki tədris üçün müəyyən edilən sinif otaqları və mövcud ləvazimatlarla tanış olub.