Arıçılarların iştirakı ilə müşavirə keçirilib

Naxçıvan Muxtar Respublikası Kənd Təsərrüfatı  Nazirlyinin Heyvandarlıq, damazlıq işi və otlaqlar şöbəsinin əməkdaşları Babək Rayon İcra Hakimiyyətinin nümayəndələri  ilə birlikdə Aşağı Buzqov  kəndində arıçılıqla məşğul olan sahibkarların iştirakı ilə  “Arıçıların yaz qayğıları və arıçılıqda yeni texnologiyaların tətbiqinin əhəmiyyəti” mövzusunda müşavirə keçiriblər.

Müşavirəni Babək Rayon İcra Hakimiyyətinin əməkdaşı Məhəmməd Seyidov açaraq   son illər rayonda arıçılığa marağın artmasından və bu sahəyə göstərilən dövlət dəstəyindən danışıb.

Kənd Təsərrüfatı Nazirliyinin şöbə müdiri Əyyub Abdullayev yaz aylarında arılara zoobaytar qaydalarına uyğun qulluq edilməsindən, tempuraturun aşağı olduğu dövrlərdə arı ailələrinə ilkin yaz yoxlanışının qısa zamanda aparılmasının əhəmiyyətindən danışıb.

Nazirliyin əməkdaşı Umar Şükürlü arıçılıqda yeni texnologiyaların tətbiqi, paket arıçılığı və müasir pətəklərdə arı ailələrinin saxlanmasının üstünlükləri barədə təsərrüfat sahiblərini məlumatlandırıb.

 Sonda təsərrüfat sahibinin arıxanasında əyani olaraq arı ailələrinə baxış keçirilib mövcud problemlərin  həll yolları  arıçılara izah olunub.