Karbamid gübrəsinin verilməsinə başlanılıb

“Naxçıvan Aqrolizinq” Açıq Səhmdar Cəmiyyətində və Cəmiyyətin rayon bölmələrində muxtar respublikanın taxıl istehsalçılarına 46 faizli karbamid gübrəsinin verilməsinə başlanılıb.
Bu məqsədlə anbarlarda kifayət qədər  gübrə ehtiyatı  yaradılıb. Gübrənin sahələrə verilməsi üçün “Naxçıvan Aqrolizinq”  Açıq Səhmdar Cəmiyyətində və cəmiyyətin rayon bazalarında texnikalar da saz vəziyyətə gətirilib.
Tərkibində 46 faiz azot elementi olan karbamid gübrəsinin əkin sahələrinə düzgün verilməsi bitkilərin normal böyüməsinə və inkişafina şərait yaradır, onların zərərli orqanizmlərə, o cümlədən şaxtaya və quraqlığa qarşı davamlılığını artırır. Qeyd edək ki, ötən il muxtar respublikada məhsul istehsalçıları 13 min tondan artıq mineral gübrə ilə təmin olunub.