Naxçıvan Muxtar Respublikası Kənd Təsərrüfatı Nazirliyinin əməkdaşları ağacəkmə aksiyasında iştirak edib

11 mart 2023-cü il tarixdə Naxçıvan Muxtar Respublikasında Ümummilli Lider Heydər Əliyevin anadan olmasının 100 illik yubileyi münasibətilə ağacəkmə aksiyası keçirilib. Naxçıvan Muxtar Respublikası Kənd Təsərrüfatı Nazirliyinin əməkdaşları da ağacəkmə aksiyasında iştirak edib.  Naxçıvan-Sədərək, Naxçıvan-Şahbuz magistral yollarının kənarlarında ağaclara qulluq edilib, abadlıq və təmizlik işləri aparılıb, yaşıllıq zolarlarında bərpa məqsədilə 380 ədəd yeni meyvə ağacı əkilib. Yeni əkilmiş ağaclara aqrotexniki qulluq göstərilib, ağaclar suvarılıb və mühafizəsi məqsədilə zəruri tədbirlər görülüb.

Aksiyanın keçirilməsində əsas məqsəd Ulu Öndər Heydər Əliyevin əziz xatirəsini yad etmək, ətraf mühitin və meşə zolaqlarının qorunması, ekoloji mühitin yaxşılaşdırılmasına töhfə verməkdir.