Tələbələrin istehsalat təcrübəsi davam edir

Naxçıvan Dövlət Universitetinin Təbiətşünaslıq və Kənd Təsərrüfatı fakültəsinin Torpaqşünaslıq və aqrokimya ixtisası üzrə təhsil alan IV kurs tələbələrinin Akademik Həsən Əliyev adına “Araz” Elm İstehsalat Birliyində istehsalat təcrübəsi davam edir.

Birliyin Aqrokimya, torpaqşünaslıq və torpaqların kütləvi analizləri şöbəsinin laboratoriyasında mütəxəssislər tərəfindən tələbələrə laboratoriyada istifadə olunan cihaz və avadanlıqların təhlükəsizlik qaydaları, bitkilərin qida elementlərinə tələbatlarını müəyyənləşdirmək üçün lazımi aqrokimyəvi analiz üsullarının aparılması haqqında məlumat verilib.

Daha sonra tələbələrin iştirakı ilə torpaq nümunələrində mühit reaksiyası, elektrik keçiriciliyi və s. müayinələr aparılıb.