Naxçıvan Muxtar Respublikası Kənd Təsərrüfatı Nazirliyində 8 Mart - Beynəlxalq Qadınlar Günü münasibəti ilə tədbir keçirilib

Tədbirdə Naxçıvan Muxtar Respublikası kənd təsərrüfatı nazirinin müavini, kənd təsərrüfatı nazirinin vəzifələrini müvəqqəti icra edən Xəyalə Dadaşova əlamətdar gün münasibətilə kollektivdə çalışan xanımları təbrik edib.

 O, Azərbaycan xanımlarının həmişə sədaqət, təmkin, ailəsinin qayğısına qalan fədakar, nəcib qadın mücəssəməsi olduğunu söyləyərək, onların təkcə kənd təsərrüfatı sahəsində deyil, ölkəmizin hər yerində olduğu kimi dövlət quruculuğu, hüquq mühafizə, elm, səhiyyə, təhsil, mədəniyyət, idman və digər sahələrdə aktiv fəaliyyət göstərdiklərini vurğulayıb.

Xəyalə Dadaşova muxtar respublikada aqrar sahənin inkişafı naminə qadınların əzm və səy göstərəcəklərinə əmin olduğunu bildirərək, onlara gələcək işlərində uğurlar arzulayıb.

Təbirin sonunda qadınlara bayram hədiyyələri təqdim edilib.