Naxçıvan Dövlət Texniki Kollecinin tələbələrinə növbəti açıq dərs keçirilib

Naxçıvan Muxtar Respublikası Ali Məclisi Sədrinin 25 iyun 2021-ci il tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər haqqında” Sərəncamının icrası ilə əlaqədar olaraq açıq dərslərin keçirilməsi davam etdirilir.

Növbəti belə dərslərdən biri Naxçıvan Dövlət Texniki Kolleci ilə Naxçıvan Muxtar Respublikası Kənd Təsərrüfatı Nazirliyinin birgə hazırladığı tədbirlər planına uyğun olaraq 16 noyabr 2022-ci il tarixdə Nazirliyin əməkdaşları tərəfindən kollecin II kurs Aqrar (fermer) təsərrüfatının təşkili ixtisasının tələbələri ilə keçirilib.

Naxçıvan Muxtar Respublikası Kənd Təsərrüfatı Nazirliyinin əməkdaşı Xalid Abbasov bildirib ki, Sərəncamın icrası ilə əlaqədar Kollec ilə Naxçıvan Muxtar Respublikası Kənd Təsərrüfatı Nazirliyinin əməkdaşlığı davam etdirilir. Sərəncamın icrası yüksək ixtisaslı kadr hazırlığının yaradılması və muxtar respublikanın kadr tələbətatının ödənilməsi baxımından mühüm əhəmiyyətə malikdir.

Sonra Nazirliyin mütəxəssisləri Tural Haqverdiyev və  Xalid Abbasov  “Muxtar respublikada kənd təsərrüfatının mövcud vəziyyəti və aqrar sahədə prioritet sahələrin müəyyən edilməsi” mövzusunda tələbələri ətraflı məlumatlandırıblar.

Mövzu ilə əlaqədar tələbələri maraqlandıran suallar cavablandırılıb və onlar zəruri məlumatlarla təmin ediliblər.