Naxçıvan Dövlət Universitetinin tələbələri “Süni Mayalanma Mərkəzində” olublar

Ali təhsil ocağının Təbiətşünaslıq və kənd təsərrüfatı fakültəsinin  dekanı,  pedaqogika üzrə fəlsəfə doktoru Bəhruz Məmmədov “Ailə və fermer təsərrüfatlarında boğaz mallarının zootexniki qaydada yemlənməsi və bəsləmə şəraitinin təşkili, ana mallarda süni mayalanmanın tətbiqi” mövzusunda çıxış edib. Dekan belə seminarların keçirilməsinin vacibliyini və tələbələrin proseslərlə canlı tanışlığının önəmini vurğulayıb.
Süni Mayalanma Mərkəzinin direktoru Yusif Qurbanov çıxış edərək mərkəzin fəaliyyəti haqqında seminar iştirakçılarına geniş məlumat verib. Bildirilib ki, müəssisədə damazlıq işinin düzgün qurulması və cins tərkibinin yaxşılaşdırılması diqqətdə saxlanılır, səmərəli metod kimi süni mayalanma tədbirlərinə geniş yer verilir.
Sonra tələbələr Süni Mayalanma Mərkəzində yerləşən laboratoriya ilə tanış olublar. Tanışlıq zamanı dərin dondurulmuş dolu payetlərin qablaşdırılması və saxlanması, dərin dondurulmuş toxumun keyfiyyətinin yoxlanılması, toxumun poyetlərdə dərin dondurulması, eyakulyatın duruldulması, toxumun poyetlərə doldurulması, çeşidlənməsi və ekvilibrasiyası, eyakulyatın ilkin müayinəsi, prosesləri haqqında   tələbələrə ətraflı məlumat verilib.
Daha sonra  tələbələr fermer təsərrüfatı haqqında məlumatlandırılıb və suni mayalanmanın tətbiqi formaları əyani olaraq göstərilib.