Feromon tələlər növbəti dəfə meyvə bağlarında quraşdırılıb

Azərbaycan Respublikası Qida Təhlükəsizliyi Agentliyi tərəfindən muxtar respublikada bitkiçilik sahəsində zərərvericilərin monitorinqinin aparılması üçün göndərilən feromon tələlər növbəti dəfə meyvə bağlarında tətbiq edilib.

Belə ki, nazirliyinin Fitosanitar nəzarəti, bitkilərin mühafizəsi və karantini şöbəsinin mütəxəssisləri tərəfindən Babək rayonunun Cəhri qəsəbəsində və Şərur rayonunun Tumaslı kəndində yerləşən meyvə bağlarında zərərvericilərin mövcudluğu və populyasiya sıxlığını araşdırmaq üçün feromon tələlər quraşdırılıb.

Quraşdırılan feromon tələlər şöbə əməkdaşları tərəfindən mütəmadi olaraq yoxlanılacaq və zərərvericilərə qarşı təlimata uyğun mübarizə tədbirləri aparılacaq.

Naxçıvan  Muxtar Respublikası 
Kənd Təsərrüfatı Nazirliyinin mətbuat xidməti