Şərur rayonunda səyyari aptekin təqdimatı keçirilib

Naxçıvan Muxtar Respublikası Kənd Təsərrüfatı Nazirliyinin mütəxəssisləri tərəfindən Şərur Rayon İcra Hakimiyyəti ilə birlikdə rayonun Dərvişlər kəndində  Bitkiçilik və heyvandarlıqla məşğul olan təsərrüfat sahiblərinin iştirakı ilə “Bitkiçilik və Heyvandarlıq sahələri üzrə səyyari aptekin əhəmiyyəti” mövzusunda növbəti maarifləndirici tədbir keçirilib.

Şərur Rayon İcra Hakimiyyətinin nümayəndəsi Mirkərim Seyidov tədbirin əhəmiyyətindən danışıb.

Tədbirdə nazirliyinin əməkdaşları Əyyub Abdullayev, Fəxrəddin Əliyev və Niyamət İsayev çıxış edərək qeyd ediblər ki, səyyari bitkiçilik və baytarlıq aptekinin yaradılmasında əsas məqsəd mülkiyyətçilərin vaxtına qənaət olunması, dərmanların yerlərdə mülkiyyətçilərə çatdırılmasıdır. Əkin sahələrində, yaylaqlarda, fermalarda dərmanların satılması zamanı mütəxəssislərlə mülkiyyətçilərin birbaşa təması yaranacaq ki, bu da öz növbəsində dərman preparatlarının mütəxəssis tövsiyəsi ilə istifadəsinə imkan verəcək. Verilən məsləhətlərin və praktiki icra olunan işlərin isə bu sahənin inkişafına və məhsuldarlığın artırılmasına böyük təsiri olacaq.

Həmçinin mütəxəssislər tərəfindən dərman preparatlarından istifadə qaydaları haqqında iştirakçılara ətraflı məlumat verilib.

Sonda mütəxəssislər tərəfindən sahibkarları maraqlandıran suallar ətraflı cavablandırılıb, onlara yaddaş kitabçaları paylanıb və  mülkiyyətçilərə dərman preparatlarının satışı həyata keçirilib.

 Naxçıvan  Muxtar Respublikası 
Kənd Təsərrüfatı Nazirliyinin mətbuat xidməti