Taxıl biçini ərəfəsində növbəti maarifləndirici tədbir Ordubad rayonunda keçirilib

Naxçıvan Muxtar Respublikası Fövqəladə Hallar Nazirliyinin təşkilatçılığı ilə Naxçıvan Muxtar Respublikası Kənd Təsərrüfatı Nazirliyinin nümayəndələri ilə birlikdə ot-taxıl biçini dövründə yanğın təhlükəsizliyinin etibarlı təmin edilməsi və qabaqlayıcı tədbirlərin həyata keçirilməsi, biçin dövründə zəmilərdə işləyəcək kənd təsərrüfatı texnikaların və aqreqatların hazırlığı ilə bağlı maarifləndirici tədbirlər həyata keçirilir. Növbəti tədbir “Naxçıvan Aqrolizinq” Açıq Səhmdar Cəmiyyətininin Ordubad rayon şöbəsində təşkil edilib.

Ordubad Rayon İcra Hakimiyyətinin əməkdaşı Zamiq Babayev tədbirin keçirilməsinin məqsədindən danışıb.

Fövqəladə Hallar Nazirliyinin bölmə rəisi, daxili xidmət mayoru Hasil Məmmədov çıxış edərək ot-taxıl biçini dövründə yanğın təhlükəsizliyi tədbirlərinin həyata keçirilməsi məqsədi ilə görülən işlər və qarşıda duran vəzifələrdən danışıb. Qeyd olunub ki, taxıl biçinində iştirak edən traktor və kombayn sürücüləri, onların köməkçiləri, digər mexanizatorlar, eləcə də məhsul yığımına cəlb edilən hər bir şəxs qanunvericilikdə nəzərdə tutulan qaydada xüsusi proqram üzrə yanğına qarşı təlimat keçməlidir. Yanğın təhlükəsizliyi üzrə təlimat almayan şəxsə məhsul yığımında iştirak etməyə icazə verilməməlidir.

Diqqətə çatdırılıb ki, muxtar respublika ərazisində taxıl biçini dövründə sahələrdə yanğın təhlükəsizliyinin etibarlı təmin edilməsi üçün “Naxçıvan” Aqrolizinq Açıq Səhmdar Cəmiyyəti və onun rayon bazalarında, “Naxçıvan Toxumçuluq Mərkəzi” Publik Hüquqi şəxsdə və fiziki şəxslərə məxsus ümumilikdə 123 ədəd kombayn olmaqla  93 ədəd biçinə cəlb olan kombaynda yanğın-texniki müayinələr aparılıb.

Qeyd olunub ki, Ordubad rayon ərazsində taxıl biçinin aparılması üçün cəlb olunanacaq 5 kоmbаynın tехniki cəhətdən sаz оlmаsı və yanğınsöndürən vаsitələrlə təchiz edilməsinə və kоmbаynlаrdаn yаğ-yаnаcаq sızmаsınа хüsusi diqqət yetirilib. Taxıl biçini zamanı baş verə biləcək yanğın hadisələrinin genişlənmədən qarşısını almaq məqsədilə kоmbаyn sürücülərinə Naxçıvan Muxtar Respublikasının Fövqəladə Hallar Nazirliyinin “101” və “112” qaynar telefon xəttinə məlumatların verilməsi, yanğın hadisəsi zamanı davranış qaydaları haqqında, həmçinin ilkin yanğın söndürmə vasitələrindən istifadə qaydaları öyrədilib.

Vurğulanıb ki, biçin zamanı taxıl zəmilərinin yaxınlığında baş verə biləcək yanğınların qarşısını almaq məqsədi ilə kotanlı traktorlar olmalı, taxıl zəmilərində və onların yaxınlığında küləş yandırılması və tonqal qalanmasına yol verilməməlidir. Tarla şəraitində traktor, kombayn və digər maşınların yanacaqla təmin edilməsi, onların mühərriklərinin işi dayandırıldıqdan sonra yanacaqdoldurucu maşınlarla həyata keçirilməlidir. Gecə vaxtı maşınların yanacaqla doldurulması qəti qadağandır. Vurğulanıb ki, baş verə biləcək yanğınlara çevik reaksiya verilməsi məqsədilə əlverişli yerlərdə və intensiv biçin aparılan sahələrdə bir yanğınsöndürmə avtomobili və magistral yol kənarlarında motoxilasedicilərin хidmətinin təşkil edilməsi, tахıl zəmilərində işləyən kоmbаynlаrın yаnındа gündəlik оlаrаq Dövlət Yаnğın Təhlükəsizliyi оrqаnlаrının əməkdаşlаrı tərəfindən növbətçilik аpаrılmаsı plаnlаşdırılıb.

Kənd Təsərrüfatı Nazirliyinin sektor müdiri Valeh Mehdiyev texnikaların və aqreqatların hazırlıq vəziyyətinə gətirilməsi ilə bağlı görülən tədbirlərdən, taxıl biçini kampaniyasına hazırlıqla əlaqədar “Naxçıvan Aqrolizinq” Açıq Səhmdar Cəmiyyətinin Naxçıvan şəhər və rayon bazalarında mövcud olan kombaynların və digər kənd təsərrüfatı texnikalarının texniki sazlığı, onların biçinə hazırlığı məsələlərindən danışıb.

Maarifləndirici tədbirin sonunda kombaynlara baxış keçirilib, yanğın törədə biləcək hallarla bağlı iştirakçılar məlumatlandırılıb, təhlükəsizlik qaydalarından bəhs olunub, kənd təsərrüfatı texnikalarında mövcudluğu zəruri olan ilkin yanğınsöndürmə vasitələrinin istifadə və istismar qaydaları əyani olaraq göstərilib. Qarşılıqlı fikir mübadiləsi şəraitində keçən tədbirin sonunda iştirakçılara yaddaş kitabçaları paylanılıb.