Taxıl biçini ərəfəsində maarifləndirici tədbir keçirilib

Artıq muxtar respublikamızda mühüm kampaniya olan taxıl biçininə hazırlıq işləri görülür. Bu məqsədlə Naxçıvan Muxtar Respublikası Fövqəladə Hallar Nazirliyinin təşkilatçılığı ilə Daxili İşlər və Kənd Təsərrüfatı nazirliklərinin nümayəndələri ilə birlikdə ot-taxıl biçini dövründə yanğın təhlükəsizliyinin etibarlı təmin edilməsi və qabaqlayıcı tədbirlərin həyata keçirilməsi, biçin dövründə zəmilərdə işləyəcək kənd təsərrüfatı texnikaların və aqreqatların hazırlığı ilə bağlı maarifləndirici tədbirlər həyata keçirilir. Növbəti tədbir “Naxçıvan Aqrolizinq” Açıq Səhmdar Cəmiyyətində təşkil edilib.

Tədbirdə Naxçıvan şəhər Dövlət Yanğın Təhlükəsizliyi şöbəsinin rəisi, daxili xidmət polkovnik-leytenantı Mirtaleh Seyidov çıxış edərək ot-taxıl biçini dövründə yanğın təhlükəsizliyi tədbirlərinin həyata keçirilməsi məqsədi ilə görülən işlər və qarşıda duran vəzifələrdən danışıb. Qeyd olunub ki, ot-taxıl yığımına başlamazdan öncə bütün təsərrüfat rəhbərləri, biçində iştirak edən mexanizator və sürücülər kənd təsərrüfatı texnikalarını yanğına qarşı hazırlamalı, texniki müayinədən keçirməli, ilkin odsöndürücü vasitələrlə təmin edilməlidirlər. Taxıl biçinində iştirak edən traktor və kombayn sürücüləri, onların köməkçiləri, digər mexanizatorlar, eləcə də məhsul yığımına cəlb edilən hər bir şəxs qanunvericilikdə nəzərdə tutulan qaydada xüsusi proqram üzrə yanğına qarşı təlimat keçməlidir. Yanğın təhlükəsizliyi üzrə təlimat almayan şəxsə məhsul yığımında iştirak etməyə icazə verilməməlidir.

Diqqətə çatdırılıb ki, muxtar respublika ərazisində taxıl biçini dövründə sahələrdə yanğın təhlükəsizliyinin etibarlı təmin edilməsi üçün Daxili İşlər və Kənd Təsərrüfatı nazirliklərinin nümayəndələri ilə birlikdə “Naxçıvan” Aqrolizinq Açıq Səhmdar Cəmiyyəti və onun rayon bazalarında, Naxçıvan Toxumçuluq Mərkəzi Publik Hüquqi şəxsdə və fiziki şəxslərə məxsus ümumilikdə 123 ədəd kombayn olmaqla  93 ədəd biçinə cəlb olan kombaynda yanğın-texniki müayinələr aparılıb. Bахış kеçirilən kоmbаynların tехniki cəhətdən sаz оlmаsı və yanğınsöndürən vаsitələrlə təchiz edilməsinə və kоmbаynlаrdаn yаğ-yаnаcаq sızmаsınа хüsusi diqqət yetirilib. Baxışlar zamanı 217 nəfər sahibkar və kombayn sürücüsü ilə maarifləndirici söhbətlər aparılıb,  onlara yanğına qarşı tövsiyyə xarakterli yaddaş kitabçaları təqdim olunub. Taxıl biçini zamanı baş verə biləcək yanğın hadisələrinin genişlənmədən qarşısını almaq məqsədilə kоmbаyn sürücülərinə Naxçıvan Muxtar Respublikasının Fövqəladə Hallar Nazirliyinin “101” və “112” qaynar telefon xəttinə məlumatların verilməsi, yanğın hadisəsi zamanı davranış qaydaları haqqında, həmçinin ilkin yanğın söndürmə vasitələrindən istifadə qaydaları öyrədilib.

Fövqəladə Hallar Nazirliyinin bölmə rəisi, daxili xidmət mayoru Hasil Məmmədov diqqətə çatdırıb ki, biçin zamanı taxıl zəmilərinin yaxınlığında baş verə biləcək yanğınların qarşısını almaq məqsədi ilə kotanlı traktorlar olmalı, taxıl zəmilərində və onların yaxınlığında küləş yandırılması və tonqal qalanmasına yol verilməməlidir. Tarla şəraitində traktor, kombayn və digər maşınların yanacaqla təmin edilməsi, onların mühərriklərinin işi dayandırıldıqdan sonra yanacaqdoldurucu maşınlarla həyata keçirilməlidir. Gecə vaxtı maşınların yanacaqla doldurulması qəti qadağandır. Vurğulanıb ki, baş verə biləcək yanğınlara çevik reaksiya verilməsi məqsədilə əlverişli yerlərdə və intensiv biçin aparılan sahələrdə bir yanğınsöndürmə avtomobili və magistral yol kənarlarında motoxilasedicilərin хidmətinin təşkil edilməsi, tахıl zəmilərində işləyən kоmbаynlаrın yаnındа gündəlik оlаrаq Dövlət Yаnğın Təhlükəsizliyi оrqаnlаrının əməkdаşlаrı tərəfindən növbətçilik аpаrılmаsı plаnlаşdırılıb.

Daxili İşlər Nazirliyinin  İctimai Təhlükəsizlik İdarəsinin baş inspektoru, polis mayoru Samiq Məmmədov vətəndaşlar tərəfindən yanğın təhlükəsizliyi qaydalarının pozulması və biçindən sonra sahələrin yandırılmasına görə tətbiq olunan inzibati məsuliyyət və digər tədbirlərdən danışıb.

Kənd Təsərrüfatı Nazirliyinin şöbə müdiri Xaliq Abbasov texnikaların və aqreqatların hazırlıq vəziyyətinə gətirilməsi ilə bağlı görülən tədbirlərdən, Naxçıvan Aqrolizinq Açıq Səhmdar Cəmiyyətinin şöbə rəisi Həzi Həsənov isə taxıl biçini kampaniyasına hazırlıqla əlaqədar “Naxçıvan Aqrolizinq” Açıq Səhmdar Cəmiyyətinin Naxçıvan şəhər və rayon bazalarında mövcud olan kombaynların və digər kənd təsərrüfatı texnikalarının texniki sazlığı, onların biçinə hazırlığı məsələlərindən danışıblar.

Maarifləndirici tədbirin sonunda kombaynlara baxış keçirilib, yanğın törədə biləcək hallarla bağlı iştirakçılar məlumatlandırılıb, təhlükəsizlik qaydalarından bəhs olunub, kənd təsərrüfatı texnikalarında mövcudluğu zəruri olan ilkin yanğınsöndürmə vasitələrinin istifadə və istismar qaydaları əyani olaraq göstərilib. Qarşılıqlı fikir mübadiləsi şəraitində keçən tədbirin sonunda iştirakçılara yaddaş kitabçaları paylanılıb.

Naxçıvan Muxtar Respublikası Fövqəladə Hallar və Kənd Təsərrüfatı nazirliklərinin birgə tədbirlər planına uyğun olaraq bu cür maarifləndirici görüşlərin yerlərdə davam etdirilməsi nəzərdə tutulub.