Mexanizatorlarla maarifləndirici görüşlər keçirilir

Naxçıvan Muxtar Respublikası Kənd Təsərrüfatı Nazirliyinin və “Naxçıvan Aqrolizinq” ASC-nin mütəxəssisləri tərəfindən muxtar respublikanın şəhər və rayonlarında taxıl biçininə hazırlıqla əlaqədar yerlərdə texnika mülkiyyətçiləri ilə maarifləndirici görüşlər keçirilir.

Görüşlərdə taxıl biçininə hazırlıqların ilkin mərhələsində cari ildə taxıl biçininin itkisiz və mütəşəkkil həyata keçirilməsi məqsədilə kombaynları idarə edəcək mexanizatorlara əməli köməkliklər göstərilir. Həmçinin onlara texniki qulluğun göstərilməsi zamanı təhlükəsizlik qaydaları haqqında ətraflı məlumat verilir. Biçinə cəlb ediləcək kombaynlar üzərində sazlama işləri aparılır. Bütün rayonlar üzrə mövcud kombaynlara texniki baxış keçirilir, nasaz vəziyyətdə olan texnikalarda təmir işləri aparılır.

Naxçıvan  Muxtar Respublikası 
Kənd Təsərrüfatı Nazirliyinin mətbuat xidməti